FAQs Complain Problems

लिसंखु पाखर गाउँपालिकाको संक्षिप्त परिचय

लिसंखुपाखर गाउँपालिका बागमती प्रदेश अन्तर्गत सिन्धुपाल्चोक जिल्लामा अवस्थित एक स्थानीय तह (स्थानीय सरकार) हो र २०७४ सालमा स्थापना भएको हो। नयाँ संविधानको कार्यान्वयनको क्रममा यस गाउँपालिकालाई पूर्व ठुलोधादिङ, अत्तरपुर, लिसंखु, जेठल, पेट्कु, र  ठुलोपाखर गाउँ विकास समितिहरूलाई समायोजन गरेर स्थापना गरिएको हो। भौगोलिक अवस्थिति अनुसार यो गाउँपालिका २७ डिग्री ४० मिनेट २० सेकेन्ड उत्तरी अक्षांश देखि ८५ डिग्री ५३ मिनेट ०९ सेकेन्ड पूर्वी देशान्तर सम्म फैलिएको छ। यस गाउँपालिका समुन्द्री सहत देखि  १९३० मिटरको उचाईमा रहेको छ। कुल ९८.६१ वर्ग किलोमिटर क्षेत्रफल रहेको यस गाउँपालिकामा जम्मा ७ वडा छन्। यहाँ हिन्दु तथा बौद्ध धर्मावलम्बीहरुको बाहुल्यता रहेको यस पालिकामा तामाङ, ब्राम्हण, क्षेत्री, दलित जातजातिको बसोबास रहेको छ। लिसंखुपाखर गाउँपालिकाको पूर्वी सिमाना दोलखा र रामेछाप जिल्लासँग जोडिएको छ भने पश्चिमी सिमाना सुनकोशी गाउँपालिकासँग जोडिएको छ। त्यस्तै, उत्तरी सिमाना त्रिपुरा सुन्दरी गाउँपालिकासँग जोडिएको छ र दक्षिणी सिमाना काभ्रेपलान्चोक जिल्ला र सुनकोशी गाउँपालिकासँग जोडिएको छ। 

वि. सं. २०७८ सालको जनगणना अनुसार यस गाउँपालिकाको जनसंख्या निम्नानुसार रहेको छ ।

कुल जनसंख्या पुरुष महिला  प्रति परिवार सदस्य संख्या प्रति वर्ग कि. मि. घरधुरी
११,७५० ५,७०६ ६,०४४ ३‍‍.१८ ११९  ३६९७

वडा गत जनसंख्या विवरण ः

सि. नं. वडा नं. (साविकको गा. वि. स. हरु ) जनसंख्या पुरुष महिला घरधुरी

१.

१ ठूलो धादिङ १४४७ ७०० ७४७ ५८५
२.

२ लिसंखु 

१२३० ५८१ ६४७ ५१६
३ वाफल १३१७ ६५३ ६६४ ४७४

४ अत्तरपुर 

१५७२ ७५८ ८१४ ५५९

५ जेठल  

२३४७ ११६८ ११७९ ८५९

६ पेटकु

१२३० ५८९  ६४१ ३९२

७ ठूलो पाखर 

२६०७ १२५७ १३५० ७०८

पूर्व – दोलखा र रामेछाप जिल्ला
पश्चिम – सुनकोशी गाउँपालिका
उत्तर – त्रिपुरा सुन्दरी गाउँपालिका
दक्षिण – काभ्रेपलान्चोक जिल्ला र सुनकोशी गाउँपालिका

नक्साः